Претставниците на турското Министерство за надворешни работи изјавија денеска дека не е реално Турција да ги прими сите бегалци од сирискиот град Алепо поради потенцијалните безбедносни ризици.
– Турција планира да воспостави камп во Сирија за евакуација од Алепо, истовремено продолжувајќи да прифаќа болни и повредени лица во болниците во Турција, наведоа неименуваните претставници.
Две потенцијални локации, на околу 3,5 километри во внатрешноста на Сирија се погодни за изградба на камп, во кој ќе може да се сместат до 80 000 луѓе, објаснија претставниците.
Досега од Алепо се евакуирани околу осум илјади лица.