Турција го повика американскиот амбасадор за да изрази загриженост во врска со вчерашната изјава на портпаролот на Стејт департментот дека за разлика од Анкара, Вашингтон не ги признава силите на сириските Курди за терористи.
Ова прашање доведе до затегнатост во односите меѓу двата сојузника, а турскиот претседател Реџеп Таип Ердоган дури го повика Вашингтон да избере кого сака за партнер меѓу Турција и курдската Партија на демократска унија.
Амбасадорот на САД Џон Бас повикан е денеска во Министерството за надворешни работи на Турција, при што му е пренесена загриженоста на Анкара, изјави неименуван функционер од тоа Министерство, пренесува Танјуг.