Турција денеска го празнува Денот на националниот суверенитет и турските деца. Денот ќе биде одбележан со разни манифестации низ цела Турција и во Турска Република Северен Кипар, признаена единствено од Анкара.
Празникот ќе биде одбележан во сите турски училишта, како и во амбасадите на Турција.
Премиерот Реџеп Таип Ердоган, претседателот на Парламентот Џемил Чичек, опозициските лидери и некои министри утрово го посетија мавзолејот на Мустафа Кемал Ататурк, основачот на Турската Република.
На денешен ден пред 94 години почна со работа Големото национално собрание на Турција. Традиционално се одржува свечана седница на Парламенентот, а се организира и голем прием.
Предвидено е Ердоган во својата резиденција да прими деца и симболично да ја отстапи функцијата на учениците за време на посетата.
Децата од целиот свет се поканети во Турција да учествуваат во одбележување на празникот.