Тројца градежни работници денеска загинаа откако им се урнало скелето од објектот во изградба во кој работеле во Истанбул, соопшти турскиот телевизиски канал Си-Ен-Ен-Турк.
Работниците паднале од 16-от кат на зграда во изградба во квартот Картал.
Во врска со инцидентот официјално е почната истрага.
Инцидентот се случил во момент во кој во земјата на широко се расправа за безбедносните услови за работа, особено по трагедијата во рудникот за камен јаглен во Сома, во западна Турција, во која загинаа 301 рудари.