Македонците во Албанија го објавија интернет весникот „Македониум” на македонски, албански и англиски јазик, прв од ваков вид во земјата.
Потребата од издавање на тројазичен интернет весник произлезе од фактот што Македонците во Албаниија официјално се признати само во Мала Преспа и селото Врбник во околијата Девол и само тука се изучува македонскиот јазик и неговото кирилско писмо, додека Македонците што живеат во областите Голо Брдо и Гора, како и во повеќе градови во Албанија не го изучуваат македонскиот јазик во школите и покрај тоа што го говорат.
Весникот ќе се печати еднаш месечно во тираж од 1.000 примероци. Ќе изобилува со информативни содржини од животот, работата и положбата на Македонците во Албанија. Тој е достапен за целокупната јавност на веб страницата www.makedoniym.net.