По вчера оддржаните парламентарни избори во Косово, на Србите им претстои многу бурен период, а еден од предизвиците ќе бидат очекуваните апсења на осомничените за трговијата со органи нa заробени косовски Срби, изјави денеска пратеничката во косовскиот Парламент Рада Трајковиќ за телевизијата Б92.
– Независно од победата на премиерот Хашим Тачи на изборите, речиси сите меѓународни центри зборуваат за апсења по овој повод, а господин Тачи е тоа што се нарекува врвот на пирамидата, рече Трајковиќ.
Таа додаде дека Србите наскоро ќе треба да се зафатат со големи задачи и проблеми, на прво место со формирањето на Заедницата на српските општини, а одлуките во врска со нив нема да минат лесно во косовскиот Парламент.
Според Трајковиќ, Белград во голем степен го исполнил договореното во рамки на дијалогот за нормализирање на односите со Приштина, но што се однесува до Косово, таму „се се спроводува со голем отпор“.