Пратеникот на Демократската партија на Косово Ардијан Кастрати го критикуваше косовскиот премиер Аљбин Курти бидејќи за време на престојот во Њујорк не остварил никакви средби со високи американски претставници.
Тој изјави дека Курти дури четири години не стапнал во Белата куќа и дека ниту еден друг лидер од Косово немал такво искуство, пренесува Газета блиц.
Кастрати нагласи дека секој премиер и министер за надворешни работи на Косово во минатото имал средби со високи американски претставници, додека Курти избрал да се сретне само со други лидери, како што е премиерот на Лихтенштајн.
Посетата на Курти на Америка ја оцени како дебакл во надворешната политика, пренесува Косово онлајн.