Телата на татко и ќерка (2) беа пронајдени во Голија, на околу 50 километри од Никшиќ. Како што дознава порталот RTCG, станува збор за убиство и самоубиство.
Според информациите што ги добиле, по расправија со неговата сопруга, Ж.Д. (34) и неговата двегодишна ќерка заминале во непознат правец.
По оваа пријава, полицијата веднаш презела мерки и дејствија за да го пронајде Ж.Д.
После тоа, таткото на Ж.Д. пријавил во полиција дека се случила семејна трагедија, дека ги пронашол безживотните тела на неговиот син и внука во градот Голија, на околу 50 км од Никшиќ, и дека најверојатно станува збор за убиство и самоубиство.
Полициски службеници и екипа на итна медицинска помош веднаш биле испратени на местото на настанот, кои ја утврдиле смртта на двете лица.
Истрагата на лице место е во тек и ја води државниот обвинител на Вишото државно обвинителство во Подгорица.
Досега преземените полициски и обвинителски мерки и дејствија укажуваат на сомнение дека Ж.Д. извршил убиство на малолетно дете, по што извршил самоубиство со употреба на огнено оружје.
Полицијата, во соработка со надлежното обвинителство, продолжува да презема сите мерки и дејствија за целосно расветлување на околностите на овој трагичен настан.