Босанските тинејџерки Самра Кесиновиќ (17) и Сабина Селимовиќ (15) кои пред шест месеци ги напуштија своите семејства од Виена и заминаа во Сирија, сфатиле за грешката што ја направиле и наводно сакаат што поскоро да се вратат дома.
Се верува дека девојките се омажени за борци на Исламска држава и дека живеат во градот Рака, кој што е под контрола на ИСИС.
Наводно ги контактирале своите семејства и им рекле дека не можат да живеат со милитантите, но дека стравуваат како ќе ги прифати средината од која неодамна заминале во џихадистичкиот „рај на земјата“.
-Кога еднаш ќе заминат, речиси е невозможно да се вратат во Австрија – изјави портпаролот на австриското Министерство за надворешни работи, Карл Хеинз Грандбок.
Е. Г.