Столтенберг: Ширењето на НАТО кон Западен Балкан придонесе за стабилизација на регионот

Од:

Генералниот секретар на НАТО, Јенс Столтенберг денеска изјави дека проширувањето на НАТО кон земјите од Западен Балкан ќе ја зајакне Алијансата, ќе помогне за стабилизација на регионот и ќе ги зајакне балканските држави кои ќе и се придружат на Северноатлантската алијанса.

Столтенберг пред состанокот на министрите за одбрана на земјите членки на Алијансата, на кој првпат ќе учествува претставник од Македонија, како идна членка на НАТО, потсети на воените конфликти и злосторства што во 90-тите години од минатиот век се случуваа на територијата на Западен Балкан.

– НАТО имаше клучна улога во решавање на тие конфликти, во запирањето на војните и во стабилизацијата. Се уште постојат многу предизвици и проблеми, но е многу охрабрувачки дека имаме членки како што се Хрватска, Албанија, Црна Гора и идната Северна Македонија, посочи Столтенберг.

Министрите за одбрана на земјите членки на НАТО имаат состанок утре и в четврток во Брисел, а една од темите ќе биде мисијата на КФОР и соработката на НАТО со Косовските безбедносни сили.

Би можело да ве интересира

Медведев: Балканот и понатаму останува турбулентен регион

Ана Ололовска

Соломон Паси: Макрон го турка Балканот кон Русија, Турција и Иран

Ана Ололовска

Францускиот Сенат го ратификуваше Протоколот за членство во НАТО

Татјана Ташкова

Симеон Саксобурготски: Софија и Атина придонесуваат за хармонија на Балканот

Ана Ололовска

Се поблиску до НАТО, неизвесно за ЕУ

Ана Ололовска

Петрич: Кога ЕУ подига граници, позитивна е идејата за мал Шенген на Србија, Северна Македонија и Албанија