Генералниот секретар на НАТО Јенс Столтенберг денеска разговараше со високиот претставник на ЕУ Жозеп Борел.
-Разочарани сме што не беше можно да се реши спорот за регистарските таблички. Сега е време за одговорност и прагматични решенија. Ескалацијата мора да се избегне, напиша Столтенберг на Твитер.
Spoke to @JosepBorrellF. We are disappointed that it was not possible to solve the licence plate dispute. Now is the time for responsibility & pragmatic solutions. Escalation must be avoided. @NATO_KFOR remains vigilant.
— Jens Stoltenberg (@jensstoltenberg) November 21, 2022
Денеска во Брисел се одржа трилатерална средба меѓу премиерот на Косово, Албин Курти, претседателот на Србија, Александар Вучиќ и Борел.
Премиерот Курти го отфрли предлогот на ЕУ за регистерските таблички, а Србија, пак, го прифати.
Предлогот на ЕУ беше Косово да не ја започне фазата на казнување, додека Србија повеќе да не издава КМ таблички.
Курти по средбите изјави дека Борел се откажал од предлогот на ЕУ за целосна нормализација на односите меѓу Белград и Приштина, што од портпаролот за надворешни работи на ЕУ, Петер Стано беше демантирано.
Претседателот на Србија, Александар Вучиќ по враќањето од Брисел и неуспехот од разговорите, во обраќање до нацијата вечерва изјави дека врз основа на разузнавачките податоци ситуацијата на северот од Косово е на работ на конфликт и додаде дека неговото бара ње до Србите на Косово е да се обидат да го зачуваат мирот, за што вечерва закажа состанок со нив, но и со со министерот за одбрана Милош Вучевиќ и со началникот на Генералштабот Милан Мојсиловиќ.