Столтенберг и Лајчак: Трајно политичко решение во регионот е заеднички интерес на НАТО и ЕУ

Од:

Генералниот секретар на НАТО Јенс Столтенберг денеска во Брисел разговараше со специјалниот претставник на ЕУ за дијалогот Белград-Приштина, Мирослав Лајчак, за аранжманот за деескалација на тензиите во северно Косово и рече дека „НАТО и ЕУ имаат заеднички интерес.за трајно политичко решение во регионот “.

„Мисијата на КФОР предводена од НАТО ќе продолжи да обезбедува сигурна и безбедна средина и слобода на движење. НАТО и ЕУ имаат заеднички интерес за трајно политичко решение во регионот”, напиша Столтенберг на Твитер, објавувајќи фотографија од средбата со Лајчак.

Лајчак денеска присуствува и на состанокот на Северноатлантскиот совет на НАТО во Брисел.

Вчера, по постигнувањето на договорот меѓу Србија и Косово, НАТО објави дека мисијата на КФОР ќе игра фундаментална улога во обезбедувањето негова ефикасна имплементација, пренесува Бета.

Белград и Приштина постигнаа договор на 30 септември за деескалација и понатамошни чекори за решавање на кризата во северно Косово, предвидувајќи специјални косовски полициски единици да се повлечат од премините Јариње и Брњак на 2 октомври и истовремено косовските Срби да ги отстранат барикадите.

КФОР ќе распореди своите сили на премините Јариње и Брњак пред почетокот на истовремената акција и ќе остане таму две недели, додека од 4 октомври, како привремена мерка, режимот на налепници на табличките ќе се применува се до постигнувањето трајно решение.

Исто така, планирано е формирање работна група со претставници на Европската унија, Белград и Приштина, чија цел ќе биде да се најде трајно решение за прашањето на регистарските таблички.

Би можело да ве интересира

Милатовиќ: Црна Гора ќе биде 28-ма членка на ЕУ

Франција ја нуди својата војска за одбрана на Гренланд од Трамп

А1он

НАТО се обидува да го зголеми производството на оружје на своите членки

Руте ги повикува членките на НАТО да ги зголемат трошоците за одбрана

(ВИДЕО) Куче во училиште нападна и повреди деца, го застрела училишниот полицаец

А1он

(ВИДЕО) Инцидент во училиште во Косово: Куче повреди четири деца и полицаец