Столтенберг, Борел, Вархеји – во еден глас ја поздравија хашката пресуда против Ратко Младиќ

Од:

Генералниот секретар на НАТО, Јенс Столтенберг ја поздрави одлуката на Хашкиот трибунал да ја потврди првостепената пресуда против поранешниот воен командант на босанските Срби, Ратко Младиќ.

dobivaj vesti na viber

– Праведно е тој да одговара за своите страшни злосторства врз цивили, вклучувајќи убиство на илјадници босански мажи и момчиња во Сребреница во 1995 година, се наведува во соопштението на Столтенберг.

НАТО наведува дека Алијансата помогнала да се завршат двете етнички војни на територијата на Западен Балкан во 90-те години од минатиот век и да се затвори „мрачното и срамно поглавје од европската историја“.

– Регионот останува стратешки важен за нашиот Сојуз. Ќе продолжиме да придонесуваме за стабилноста и безбедноста низ земјите од Западен Балкан, промовирајќи мир и помирување, се заклучува во соопштението.

Во меѓувреме, и шефот на европската дипломатија Жозеп Борел и еврокомесарот за проширување Оливер Вархеји оценија дека денеска изречената пресуда во Хаг против поранешниот воен командант на босанските Срби, Ратко Младиќ ќе „придонесе за излекување на сите кои страдале“.

Во заедничкото соопштение, двајцата дипломати потсетуваат на жртвите и порачаа дека сочувствуваат со нивните семејства и преживеаните.

Тие нагласија дека ЕУ очекува од сите политички актери во регионот да покажат целосна соработка со меѓународните судови, да ги почитуваат нивните одлуки и да ја признаат нивната независност и непристрасност.

– Негирањето на геноцидот, ревизионизмот и воздигнувањето на воените злосторници се спротивни на најосновните европски вредности. Денешната одлука е можност лидерите во БиХ и во регионот, имајќи ги предвид фактите, први да им оддадат почит на жртвите и да промовираат добро тло за помирување, со цел да го надминат наследството од војната и да изградат траен мир, се наведува во соопштението.

Би можело да ве интересира

(ВИДЕО) Филмско апсење во Белград: Пронајдени 100 килограми кокаин

Ана Ололовска

Столтенберг: Поединечните членки сами одлучуваат дали ќе испратат ракети „Патриот“ во Украина

А1он

Столтенберг: Русија се обиде да го спречи влезот во НАТО на Црна Гора и Македонија, вратите на НАТО се отворени

А1он

Столтенберг: Не смееме да ја потцениме Русија, покажаа извонредна бруталност

А1он

Столтенберг: Русија е под голем притисок во Украина

А1он

Столтенберг: Се соочуваме со најсложеното безбедносно опкружување од крајот на Студената војна

А1он