Турската Влада ќе ја финансира изградбата на Големата џамија во Тирана, која ќе биде најголем ваков објект на Балканот.
Одлука за тоа донела турската Дирекцијата за верски прашања која е објавена на нејзината официјалната веб страница.
Според образложемнието, турската Влада на овој чекор се одлучила бидејќи во албанскиот главен град Тирана „имало малку џамии, па верниците за големите муслимански празници Рамзан Бајрам и Курбан Бајрам, се молеле на отворено на централниот полоштад“.
Како што јави дописникот на МИА, новата џамија, која ќе се гради спроти алабснкиот Парламентот, ќе има четири минариња и место за извршување на обред за 4.500 верници. Џамијата ќе биде со површина од 2.570 метри квадратни, а изградбата треба да заврши за три години.
Одлука за нејзина изградба во 2011 година ја донесе Претседателството на Албанската исламска заедница, нарекувајќи го решението историско.