Словенечката и италијанската полиција денеска ќе патролираат долж границата со цел да спречат илегална миграција.
Таа мерка е дел од договорот потпишан од две земји, кој се очекува да се спроведе до 30 септември.
Според словенечката полиција, планирани се четири заеднички патроли неделно, три на словенечката страна на границата и една на италијанската.
Тие ќе бидат поставени на места каде најчесто се случуваат незаконски гранични премини, а во нив ќе бидат ангажирани полициски единици од Копар и Нова Горица.
Италијанскиот министер за внатрешни работи, Матео Салвини, во четвртокот рече дека ако заедничките патроли не ја спречат илегалната миграција, Италија ќе постави физички бариери на границата со Словенија.