Министерството за внатрешни работи на Србија соопшти дека донело одлука сите припадници да се вакцинираат против Ковид-19, а потегот се објаснува со заштитата на здравјето на вработените и со потребата да се создаде колективен имунитет во земјата.
„Имајќи ја во вид специфичноста на полициската работа и постојаниот контакт на полицијата со граѓаните, потребно е сите припадниците на МВР да се вакцинираат, освен оние кај кои вакцинацијата не е возможна поради здравствени причини,“ се вели во соопштение од министерството.
Вакцинацијата против коронавирусот е мерка препорачана од сите релевантни фактори – Кризниот штаб за спречување и сузбивање на епидемијата, Министерството за здравство и од Институтот за јавно здравје на Србија, потсетуваат од српското МВР.