Шестоодделенец од Србија мавтајќи со пиштол дошол на училишен час

Од:

Ученик од шесто одделение во oсновното училиште „Владислав Петковиќ“ во Велики Мокри Луг во Србија вчера во училишната зграда влегол мавтајќи со пиштол, а полицијата го бркала од училница до училница, додека децата и наставниците биле во шок.

Српските медиуми пренесуваат дека ова не е првпат Л.Ш. (12) да дојде вооружен во училиштето. Инцидентот се случил околу 19:30 часот во училишната зграда додека децата влегувале во објектот.

„Откако влезе, момчето извади пиштол од облеката и почна да вика и да мавта со оружјето. Децата кои веќе биле во училницата се преплашиле. Неколку наставници веднаш излегле надвор и ги спречиле другите ученици да влезат, а едниот од нив повикал полиција“, сведочи за српските медиуми еден од родителите на децата.

Полициска патрола веднаш дошла во училиштето.

„Тогаш почна вистинска драма затоа што момчето почна да трча низ училиштето, а полицијата го бркаше како на филм. По 10 минути го совладаа и му го зедоа пиштолот. Целата драма заврши за половина час“, сведочи родителот.

По повод инцидентот во училиштето е свикан итен состанок.

Би можело да ве интересира

Гренел: Обама и Бајден осум години ги игнорираа Белград и Приштина

Горјан Грнчаровски

Српски медиуми: Ерменците и Азербејџанците се убиваат со оружје од Србија што им го продал финансиер на Вучиќ

А1он

Азербејџан очекува Србија да биде на негова страна околу Нагорно-Карабах

А1он

Трамп: Лидерите на Србија и Косово се прегрнуваа во Белата куќа

Ана Ололовска

Почина српскиот режисер Горан Паскаљевиќ

А1он

Состанокот Белград-Приштина откажан поради „претпазливост во врска со Ковид-19“

А1он