Во Подгорица, синоќа, кратко по полноќ, шест лица беа ранети кога, според сомневањата, Л. М. (23) отвори оган во градината на ресторан во центарот на градот, соопшти црногорската полиција.
Пет лица се здобиле со полесни повреди на долните екстремитети, додека едно лице е рането во грбот и неговиот живот не е во опасност, се вели во соопштението.
На повредените им е укажана медицинска помош во Клиничкиот центар на Црна Гора, а полицијата го уапси осомничениот Л. М. (23) од Подгорица.