Северноатлантскиот совет денеска на барање на Турција одржа консултации по терористичките напади на југоисток во таа држава.
– Остро ги критикуваме терористичките напади врз Турција и изразуваме сочувство до турската Влада и семејствата на жртвите во Суруч. Тероризмот претставува директна закана за безбедноста на членките на НАТО и на меѓунардоната стабилност и просперитет. Тоа е глобална закана што не познава граници, националност или вера, предизвик против кој меѓународната заедница мора да се бори, се вели во заклучоци од состанокот на Советот.
– Бебзедноста на Алијансата е неделлива и изразуваме солидарност со Турција. Ќе продолжиме да ја следиме ситуацијата на југоисточната граница на НАТО, соопштено е денеска од НАТО.