Приближно 70 проценти од Хрватите редовно штедат, тргајќи на страна секој месец просечно по 457 куни (60 евра), за 15 куни повеќе од 2013 година, покажува истражувањето за навиките за штедење, направено од агенцијата ИМАС за Ерсте груп, пренесе агенција Хина.
Секој втор Хрват со штедна книшка го избира класичното штедење, а останатите своите заштедени средства ги вложуваат во животно осигурување, во станбени задруги, доброволното пензиоско осигурување и инвестициските фондови.
Мажите почесто го избираат класичното штедење, додека жените почесто го избираат доброволнотото пензиско осигурување и животното осигурување.