На плоштадот пред седиштето на локалната самоуправа во Прешево поставен е споменик со 27 испишани имиња на загинати припадници на Ослободителната војска на Прешево, Бујановац и Медвеџе, организација која крена оружен бунт против Србија. Споменикот е поставен во петокот.
Пратеникот Риза Хаљими вели дека не присуствувал на отркивањето на споменикот.
„Претпоставувам дека поставувањето на споменикот е врз основа на одлука на локалната самоуправа, како и плоштадот да се преименува со имињата ба паднатите борци“, вели Хаљими.
Шефот на координационото тело за југот на Србија Зоран Стевановиќ изјави дека за споменикот слушнал од новинарите. Градоначалникот на Врање, Зоран Антиќ смета дека станува збор за поставување споменик на терористите.
„Ова е голема срамота и државата треба да реагира бидејќи ОВПМБ беше терористичка организација со цел да го урне уставниот поредок на Србија и да отцепи еден нејзин дел“, рече Антиќ.