Поранешниот хрватски премиер Иво Санадер поради проблеми со срцето од затворот Реметинец итно е преместен во болница.
Тој веќе подолго време не се чувствувал добро и не присуствуваше на последното судско рочиште во Загреб.
Адвокатот потврдува дека синоќа му е извршена дефибрилација за да му се врати нормалната работа на срцето. Тој ќе остане хоспитализиран во болница.
Поранешниот лидер на ХДЗ и премиер на Хрватска е осуден на повеќегодишен затвор заради корупција, подмитување и воено профитерство.