Руската Федерација е една од првите држави, кои веднаш испратија помош во Србија и критичните подрачја. Токму руските спасувачи во петок евакуираа околу 400 лица од поплавите во Обреновац.
-Во Русија на сите телевизии ударна вест се информациите од поплавите во Србија и луѓето од сите страни сакаат да му помогнат на братскиот народ во Србија- рече еден од руските спасувачи, кој додаде дека нивното искуство им вели дека со максимален ангажман на државите и народот, штетите може да се санираат за два до три месеци.
-Ќе останеме овде колку и да е потребно- изјави храбриот спасувач.
Според неговите зборови состојбата во Обреновац е многу подобра, од онаа кога тие пристигнале и сега веќе и со камиони може да им се помогне на луѓето кои останаа заробени во поплавите.
-Српскиот народ е многу храбар, тоа го видов на лице место. Војската и полицијата се храбри, како и доброволците кои пристигнаа од сите страни да го бранат Обреновац и да им помогнат на луѓето. Мило ми е да видам како пријателски и сложно работат, војската и полицијата. Оваа организација и волја кај луѓето потполно ме воодушевија -заклучи тој.
Е. Г.