Премиерот на РС, Радован Вишковиќ изјави дека во областа Зворник треба да се изгради постројка за претворање на природен гас во течен.
Вишковиќ изјави и дека рускиот инвеститор е заинтересиран за овој проект.
„Гасот се транспортира во течна состојба до локацијата на потрошувачот. Претворањето на природниот гас во течен се врши за оние потрошувачи до кои е невозможно или неисплатливо да се изгради гасна инфраструктура“, изјави Вишковиќ за РТРС во Москва. Тој разговараше со претставници на повеќе компании во врска со проектот за гасификација на РС, пренесува Бизнисфо.
Премиерот изјави дека термоелектраната Гацко наместо мазут може да користи течен гас, додавајќи дека има и други потенцијални корисници.
„Се договоривме да направиме проектна задача и да погледнеме кои други потрошувачи, освен термоелектраната Гацко, ќе бидат корисници. Ќе ги испитаме сите потенцијални корисници и ќе ги доставиме параметрите до идниот инвеститор, по што висината на инвестицијата ќе се знае“, рече Вишковиќ.
На средбата присуствуваше и министерот за енергетика и рударство на Република Српска, Петар Ѓокиќ, кој посочи дека некои компании долги години изразуваат потреба од користење на природен гас.
„Студијата ќе биде подготвена заедно со потенцијален инвеститор“, изјави Ѓокиќ за РТРС.