Оваа унгарска влада никогаш нема да се согласи на санкции кои би ги погодиле демократски избраните функционери на Република Српска, изјави денеска унгарскиот министер за надворешни работи и трговија Петер Сијарто.
По средбата со српскиот член и претседавач со Претседателството на БиХ, Жељко Цвијановиќ, во Будимпешта, Сијарто рече дека Унгарија смета дека ова е случај на прогон од политичка природа.
– Она што се прави против претседателот на Република Српска, Милорад Додик, е опасно бидејќи може да ја поткопа безбедноста во таа област. Никогаш нема да гласаме за тоа и овие санкции никогаш нема да стапат на сила на ниво на ЕУ, бидејќи таму е потребна едногласна одлука. Стабилноста на регионот и БиХ е клучна за нас, рече Сијарто, пренесе РТРС.