Турција ги интензивира разговорите со западните сојузници во обид да ги модернизира своите воздухопловни сили и да ја врати стратешката предност во регионот, објави Ројтерс, повикувајќи се на неименувани извори.
Анкара, членка на НАТО со втора најголема армија во алијансата, купува 40 европски авиони „Еурофајтер Тајфун“, како и американски авиони „Ф-16“ и „Ф-35“, и покрај претходните санкции на САД што ја блокираа продажбата поради купувањето на рускиот систем за воздушна одбрана „С-400“ од страна на Турција, објави Ројтерс.
По израелските воздушни напади низ Блискиот Исток и зајакнувањето на воздушната моќ на Грција, турските власти стравуваат од технолошко заостанување и ранливост во воздушната одбрана, додаде агенцијата.