Во реката Ветерница која минува низ Лесковац, рибарот Драган Михајловиќ уловил пирана тешка 900 грама и долга 35 сантиметри.
Рибарите и граѓаните се изненадени, но и уплашени поради уловот на една од најопасните риби.
Пираните живеат во реката Амазон во Јужна Америка и ги има 30 различни по вид.
Рибарите од Лесковац не знаат како би можело пирана да се појави во реката која минува низ нивниот град.
Тие не ја отфрлаат и варијантата дека рибата ја фрлил некој кој ја чувал претходно во аквариум и додаваат дека во Ветерница има доволно храна, пираната да преживее.