Албанскиот премиер Еди Рама на денешната седница на Националното собрание на неговата Социјалистичка партија ги соопшти новите имиња во владиниот кабинет.
Во кабинетот има осум нови имиња на министри и еден вицепремиер.
Рама одлучи заменик премиер да биде Ерион Браче, влијателна личност во партијата, Браче доаѓа на местото на Сенида Меси.
Албанија доби и нов министер за Европа и надворешни работи. Досегашнот Дитмир Бушати го наследува Генц Цака.
Од Владата заминува и Линдита Никола, министерка за образование и на нејзино место доаѓа Беса Шахини, актуелен заменик министер во истото Министерство. На место Арбен Ахметај нов министер за финансии и економија ќе биде Анила Денај, додека Белинда Балуку ќе го замени Дамиан Ѓикнури, министер за инфраструктура и енергетика.
Бледи Чучи ќе го замени Нико Полеши на функцијата минстер за земјоделство, Елва Маргарти е нова министерка за култура, која доаѓа на местото на Мирела Кумбаро, додека Едуард Шалси е нов државен министер, на место на Сонила Ќато.
Премиерот Рама го враќа повторно Министерството за односи со Парламентот и за негов прв човек ја назмачува Елса Спиропали.
Указ за предлогот на Рама треба да потпше претседателот Илир Мета а изгласувањето во Парламентот ќе биде само формално.
Ова е прва темелна реконструкција на Владата по формирањето во септември минатата година.