Редици од луѓе чекаат да влезат во банките во Кипар, поради шпекулациите дека постои можност на депозитите да им се воведат нови даноци, но властите веднаш го негираа тоа тврдење.
Кипар со меѓународните кредитори договори исплата на десет милијарди евра заем, но се појави страв дека нема да може да собере 5,8 милијарди, колку што е потребно за да се почитува договорот, пренесе „Франс прес“.
По ширењето шпекулации, настанаа големи редици пред банките, па власта беше принудена да се обрати до јавноста.
-Тој чекор никогаш не е разгледан и категорично ја отфрлуваме таа идеја – наведе министерството за финасии на Кипар.
Банките на Кипар работат со строги контроли на капиталот откако беа отворени минатата недела, по двенеделната пауза поради страв од масовен одлив на депозити.
Елена Георгиевска