Албанскиот премиер Еди Рама оцени, по повод Самитот ЕУ-Западен Балкан, чиј домаќин е тој, дека регионот никогаш не бил подобар во својата историја.
На прашањето дали е можно денеска да се најде решение за косовското прашање, Рама рече дека би сакал ЕУ да има таква магична моќ, но дека тоа не е така. Тој посочи дека дијалогот е тежок и дека е потребно време.
Западен Балкан никогаш во својата историја не бил подобар, особено Албанците, и во Албанија и во Косово, подвлече тој.
На прашањето колку е важно Самитот да се одржи во Тирана, Рама одговори: Тука е рокенрол, а во Брисел само симфонија и затоа сите се среќни што се тука.
На прашањето дали Србија ќе ја потпише планираната декларација, тој рече дека не бил информиран дека има некаков проблем.