Рама посакува обединување на Албанија и Косово и Балкан без граници

Од:

Албанскиот премиер Еди Рама не се откажува од идејата за обединување на Албанија и Косово, оценувајќи дека Албанците во двете држави се браќа кои сега живеат во две различни земји и затоа треба да се обединат.

Како што јави дописничката на МИА, Рама уште нагласи и дека се залага за регион без граници.

– Не сакам граници со Косово, Македонија, Црна Гора и Србија. Треба да работиме тоа да се случи. Потребата од помирување е неизбежна, и колку што Србија продолжува да верува во сонот дека тоа не се случило или дека може да го спречи тоа, ќе биде поболно за сите, изјави Рама во интервју за српската телевизија Пинк.

Според него, Србија мора да се соочи со реалноста и да прифати дека Косово е независна и слободна држава.

Рама изјави дека никогаш не зборувал за т.н. Голема Албанија и дека тоа е термин создаден да се користи против Албанците.

– Верувам дека Србите и Албанците можат да го направат за Балканот она што го направија Франција и Германија за Европа, посочува Рама.

Во интервјуто тој признава дека се заложил за привремено укинување на 100 процентната царина што косовската Влада во ноември минатата година ја воведе за производите на Србија и на Босна и Херцеговина.

Во дел од интервјуто тој зборува и за симболот двоглав орел, велејќи дека тоа не значи ништо лошо за другите, туку е само симбол по кој се препознатливи Албанците.

Би можело да ве интересира

ВИДЕО: Курти поднесе оставка, прекината конститутивната седница на косовскиот парламент

Катерина Ѓуровски

Британија предупредува на амбициите на Путин на Западен Балкан: „Тоа е нова жешка точка“

Каја Калас доаѓа во прва официјална посета на Балканот, Скопје не е на списокот

Горан Наумовски

ВИДЕО: Фрлени две рачни бомби на пошта во Косово

Рама: На 11 мај минува историскиот воз за приклучување на Албанија во ЕУ во оваа деценија

А1он

ВЛЕН: Македонија и Косово постигнуваат одлично соседско партнерство откако ние сме на власт

Горан Наумовски