Хрватскиот кантавтор и член на групата „Нови Фосили“, 62-годишниот Рајко Дујмиќ во понеделникот вечерта бил уапсен под обвинение за семејно насилство, јави порталот Индекс.
Дујмиќ наводно ја претепал и полесно ја повредил неговата 51-годшна сопруга Снежана, а нападот се случил во нивниот стан во загребската населба Максимир.
Тој е уапсен во понеделникот околу 18 часот и е одведен во притвор, по што е обвинет за нанесување на полесни телесни повреди.
Пријавата е предадена до надлежното Државно обвинителство, информираа од загребска полиција.
Ако се докаже дека е виновен, на Дујмиќ може да заработи до три години затвор.