Рускиот претседател Владимир Путин ќе ја посети Србија на 16. октомври по покана на српскиот колега Томислав Николиќ, соопшти денеска прес-службата на Кремљ.
Шефот на руската држава ќе учествува на свечености во Белград по повод 70-годишнината од ослободувањето на градот од германскиот окупатор.
За време на средбите со Николиќ и со српскиот премиер Александар Вучиќ е предвидено да бидат разгледани клучните прашања во меѓусебната соработка на двете земји, пред се во трговско-економската сфера.