Турската полиција денеска уапси четири лица во врска со нападот извршен со автомобил-бомба во Истанбул, во кој загинаа 11 луѓе.
Четворицата осомничени се однесени на сослушување во седиштето на полицијата во Истанбул.
Истовремено, турската агенција Доган наведува дека осомничените го изнајмиле автомобилот кој е употребен во бомбашкиот напад.
Во денешниот напад врз полициско возило во центарот на Истанбул загинаа најмалку 11 лица, меѓу кои седуммина полицајци, а 36 се повредени.