Премиерите на Србија, Ивица Дачиќ и на Хрватска Зоран Милановиќ, денес се во дводневна посета на Мостар, а утре се очекува да им се придружи и црногорскиот премиер Мило Ѓукановиќ, а домаќин ќе им биде Вјекослав Беванда.
Повод за посетата е Меѓународниот саем за стопанството. Милановиќ во Херцеговина се очекува да пристигне претпладне, да посети неколку општини и да се сретне со општинските и кантонските претставници на власта и црквата.
Во текот на церемонијата предвидени се обраќања од домаќинот и гостите, како и на специјалниот претставник на ЕУ во БиХ, Петер Соренсен, кој што ќе го отвори саемот.
Елена Георгиевска