Словенечката Агенција за заштита на животната средина издаде предупредување за нов бран поплави, поради силните дождови, кои се очекуваат во западните, централните и северните делови на Словенија.
Агенцијата предупреди дека водостојот на Драва ноќеска повторно ќе порасне, а стравуваат дека поплавите можат да го погодат и морскиот брег на Јадранот околу Копер, бидејќи се очекува морето да достигне зголемено ниво и до 3 метри.
Од хрватскиот Штаб за одбрана од поплави оценуваат дека во ваква хидролошка состојба не би требало да имаат поголеми проблеми во Хрватска.