Трошоците за живот во изминатите пет години во Федерацијата БиХ се зголемени за повеќе од 100 отсто, а пензиите се зголемиле само пет проценти, па повеќето пензионери живеат на прагот на сиромаштија.
Минатиот месец во БиХ имало 382.136 пензионери, а просечната пензија изнесувала околу 175 евра. Најниска пензија од околу 155 евра добиваат 235.000 пензионери, односно 62 отсто.
Трошоците за живот не ја следат состојбата на пензиите па нивната материјална и социјална положба се повеќе се влошува, нагласено е на годишната седница на Сојузот на пензионерските здруженија во ФБиХ, на која е предложено итно зголемување на пензиите за најмалку 10 отсто.
Пензионерите бараат и реформа во социјалната заштита и целосно бесплатна здравствена заштита.