Повеќе од 210.000 граѓани го напуштиле Косово откако на власт дојде премиерот Албин Курти, покажуваат податоците од Заводот за статистика на ЕУ.
Според „Демократија“ со седиште во Приштина, стотици илјади граѓани на Косово одлучиле да изберат една од европските земји наместо Косово за време на мандатот на Курти.
Според статистиката неодамна објавена од Заводот за статистика на Европската Унија, повеќе од 360 илјади граѓани на Косово добиле дозволи за престој во европските земји од 2015 до 2024 година, а најмногу од 2020 година, кога Курти ја презеде функцијата шеф на Привремените институции – 210.442.
Овие податоци не ги вклучуваат граѓаните од Косово кои добиле дозвола за престој во САД, Велика Британија, Канада или оние кои нелегално престојуваат во земјите на ЕУ.
