Поројните дождови кои вчера го зафатија јужниот дел на Турција предизвикаа поплави во местата Серик и Манавгат, источно од Анталија, а голем број станбени и деловни објекти, како и големи земјоделски површини, останаа под вода.
Спасувачки екипи и пожарникари се обидуваат да ги евакуираат луѓето, а некои училишта во Сетик се затворени.
Малата река Ацису во местото Белек се излила од коритото и ги поплавила улиците и населбите во градот, а наместо автомобили по улиците се движеле чамци. Спасувачките екипи ги извлекле на безбедно сите жители, а материјалната штета во оваа елитна населба е огромна.
Според податоците на Регионалниот метеоролошки завод, во Анталија во последните 24 часа наврнале повеќе од 180 литри дожд на метар квадратен.
Поплавите во овој дел на Турција ги прекинале и патните комуникации со некои села.