Поради денешната забрана за полнење гориво и привремениот прекин на електричната енергија на белградскиот аеродром „Никола Тесла“, поради неповолните временски услови, како и губењето на аеродромските слотови, може да има доцнења, па дури и потенцијално откажување на одреден број летови планирани во текот на ден, соопшти компанијата „Ер Србија“.
Како резултат на тоа, може да има неповолно влијание врз сообраќајот на српската национална авиокомпанија во вечерните часови, како и во ноќните часови, се додава во соопштението.
Како што се посочува, надлежните служби на српската национална авиокомпанија прават се што е во нивна моќ да ги згрижат сите патници чии летови ќе доцнат или откажат. За повеќе информации, патниците можат да се јават во Контакт центарот на Ер Србија.