По тензиите меѓу Турција и Грција, Макрон испраќа воени бродови во источниот Медитеран

Од:

„Решив, привремено, во следните денови да го зајакнам француското воено присуство во Источниот Медитеран, во соработка со европските партнери, меѓу кои и Грција,“ напиша претседателот на Франција Емануел Макрон на социјалните мрежи, откао претходно телефонски разговараше со грчкиот премиер Кирјакос Мицотакис.

-Ситуацијата во Источниот Медитеран е загрижувачка. Едностраните одлуки на Турција за нафтени истражувања предизвикуваат тензии. Тие мора да прекинат за да се дозволи мирен дијалог меѓу соседните земји и сојузници во НАТО, додаде Макрон на „Твитер“, како на француски, така и на грчки јазик.

На твитот на претседателот на Франција, му одговори Мицотакис, му се заблагодари и на француски јазик напиша дека „Емануел Макрон е вистински пријател на Грција, но и силен бранител на европските вредности и меѓународното право“.

За ситуацијата во Источниот Медитеран и за турските активности и начините за справување, синоќа, телефонски разговарале Макрон и Мицотакис.

Грчкиот премиер на истата тема разговараше и со претседателот на Египет Абдел Фатах Ел Сиси и се договориле колку е можно побргу, двете земји да го ратификуваат договорот за одредување на Ексклузивната економска зона.

Би можело да ве интересира

(ВИДЕО) Хорор во џамија во Франција: Го избодел 50 пати, снимал и праќал на колеги

Закрепнуваат Мартин и Борис, последните двајца од повредените во пожарот во Кочани кои се лекуваат во Истанбул

(ВИДЕО) Инцидент во Франција: Ученик избодел соученици, најмалку едно лице е убиено, четворица се тешко ранети

На делегација на француски левичарски функционери им е забранет влез во Израел

ВИДЕО: Големо невреме на Алпите, загинаа татко и син кои помагале во спасувањето

(ВИДЕО) Турција уапси 234 лица во рамките на меѓународната операција против нарко-мафијата