Министерот за здравство Арбен Таравари денеска ја посети болницата „Чам ве Сакура“ во Истанбул, каде што се лекуваат двајца од младите повредени во пожарот во Кочани.
-Во оваа болница првично беа примени шест пациенти, од кои четворица сега се пуштени на домашно лекување откако им се подобри здравствената состојба. Двајцата преостанати пациенти, Мартин и Борис, се во стабилна состојба и продолжуваат со закрепнувањето, се наведува во соопштението.
За време на посетата Таравари, придружуван од претставници на Конзулатот на Северна Македонија во Истанбул, се сретна и со родителите на пациентите и изрази „поддршка и солидарност во овие тешки моменти“.
-Тој изрази посебна благодарност до д-р Мустафа Туран и конзулот на Северна Македонија во Истанбул, Идриз Фазлиоски, за покажаната грижа и посветеност. „Свежата болка на Кочани е донекаде ублажена од Мартин и Борис, кои се подобри и наскоро ќе ги пречекаме дома. Ви благодариме, драга Турција, за целата грижа и гостопримство, нагласи Таравари.
Министерот за здравство вчера во Едрене, Турција, учествуваше и се обрати на Балканскиот здравствен бизнис-форум при што соопшти дека 165 пациенти од Северна Македонија во 2024 година биле лекувани во здравствени установи во Турција.