Петмина работници, од кои едниот потешко, се повредени денеска во Турција при делумно уривање на железничка станица во изградба на пругата за брзи возови што ќе ги поврзува Истанбул и Анкара.
Турските медиуми објавија дека при излевање на бетон врз градбата, двокатната постројка на станицата во Арифие делумно се урнала.
Отворањето на оваа брза железничка линија, кое е одложувано веќе неколкупати, е планирано за следниот месец.
Со пуштање во употреба на брзиот воз, растојанието од 550 километри меѓу Истанбул и Анкара ќе се минува за три часа, наместо сегашните осум часа. Возот ќе се движи со максимална брзина од 250 километри на час.