Вјоса Османи денес ги предаде должностите на претседателот на Парламентот, Аљбуљенa Хаџиу, која ќе биде вршител на должноста претседател до изборот на нов.
– Нема да биде лесна задача. Се обидов и во 2021 година, и како претседател на Собранието и како вршител на должноста претседател. Да се биде шеф на државата и да се води надворешната политика на земјата и нејзината армија е голема одговорност. Ви посакувам многу успех и здравје во наредниот период – рече Османи.
Бидејќи Собранието на Косово не избра нов претседател пред крајот на мандатот на Османи, оваа функција ќе ја преземе вршителот на должноста претседател, Хаџиу, која ќе ги извршува речиси сите задачи што вообичаено ги извршува претседателот.
Функцијата на вршителот на должноста претседател не може да трае подолго од шест месеци.
Во согласност со одлуката на Уставниот суд во Приштина од 25 март, пратениците имаат рок до 28 април да изберат нов претседател на Косово. Доколку не го сторат тоа, Собранието на Косово автоматски ќе биде распуштено, а нови избори ќе бидат распишани во рок од 45 дена.