Турскиот премиер Ахмет Давутоглу изјави денеска дека 49-те турски заложници, кои беа заробени од вооружени борци на групацијата „Исламска држава“ во северниот ирачки град Мосул во јуни, безбедно се вратени во Турција од разузнавачката служба на земјата.
Заложниците, меѓу кои генералниот конзул на Турција, дипломати, војници и нивни деца, беа заробени во Генералниот конзулат на Турција на 11 јуни.
Давутоглу истакна дека заложниците ќе бидат одведнеи во јужниот турски град Шанлурфа.
– Ослободувањето на 49-те турски заложници, заробени од вооружени борци на ИД во Мосул во јуни е дел од претходно планирана операција, изјави турскиот претседател Реџеп Таип Ердоган.