Официјални резултати од парламентарани избори во Србија – СНС 120 пратеници, Обединета Србија 38 мандати, СПС 32

Од:

Републичката изборна комисија (РИК) ги објави резултатите од парламентарните избори во Србија врз основа на 100 отсто од обработените гласачки ливчиња, а излезноста на изборите според тој примерок е 58,65 отсто од запишаните избирачи, јави дописникот на МИА од Белград.

dobivaj vesti na viber

Според РИК, најмногу гласови освоила коалицијата околу Српската напредна странка – 42,97 отсто од гласовите или 1.576.082 гласа, што би им донело 120 мандата според досегашните резултати, од 250 пратенички места во српскиот Парламент.

Коалицијата Обединети за победа на Србија освои 13,57 отсто од гласовите (38 пратенички места), коалицијата околу Социјалистичката партија на Србија (СПС) 11,50 отсто (32 места), а коалицијата НАДА на ДСС – 5,39 отсто од гласовите (15 места).

Цензусот го поминаа и коалицијата на екологистите Мораме, која освои 4,63 отсто (12 места), десничарските Патриотски блок на Двери 3,83 (10 места) и Заветници 3,74 (10 места).

Пратеници ќе имаат и малцинските партии, односно Сојузот на војводинските Унгарци со шест мандати, Аманет на муфтијата – три мандати, Заедно за Војводина и СДА Санџак два мандата.

Цензусот не го поминаа Коалицијата на Албанците, Суверенистите, Српската радикална партија, Ајде луѓе и Киднапираните бебиња.

Според резултатите на РИК, малцинските листи на Алтернативи за промени, Ромската партија и Алијансата на руското малцинство нема да влезат во српскиот Парламент.

Извор: МИА

Би можело да ве интересира

Милановиќ: Никаде не пишува дека Србија мора да го признае Косово

Брнабиќ-Абазовиќ: Ресетирање на односите меѓу Србија и Црна Гора и Отворен Балкан

Ана Ололовска

Абазовиќ утре во посетa на Белград – се очекува затоплување на односите меѓу Црна Гора и Србија

А1он

Патријархот Порфириј ги повика Србите на „мир со браќата Албанци“ во Косово

А1он

Вучиќ и американскиот амбасадор Хил за Отворен Балкан и осудата на руската агресија врз Украина

А1он

ВИДЕО: Силно невреме го зафати Белград, Земун под вода