Албанија лани ја напуштиле 50.000 нејзинин граѓани кои заминале во земјите од ЕУ, покажуваат податоците на Албанскиот институт за статистика ИНСТАТ.
Како што јави дописникот на МИА, оваа бројка потсетува на масовниот егзодус на албанските граѓани по падот на комунизмот во почетокот на деведестите години од минатиот век.
Во изјавите на што оние кои ја напуштиле земјата дадени во Центрите за прием на баратели на азил во земјите на ЕУ, 72 отсто рекле дека невработеноста е главната причина за напуштањето на Албанија.
Масовното напуштање на земјата продлжува и во првиот квартал од годинава, кога само во Германија за азил аплицирале над 7.000 албански државјани.
Поради ваквата ситуација, новиот директор на албанската полиција Хаки Чако стравува дека на Албанија може да и биде вратен визниот режим, па затоа вовде засилени контроли на граничните премини, аеродромите и пристаништата.
Во рамкиите на овие контроли за период од десеттина дена на околу 1.200 албански граѓани им е забранет излез од земјата при обидот да патуваат кон некоја од државите на ЕУ.
Главно станува збор за лица кои не знаеле да кажат за која цел патуваат, додека поголемиот број од нив не ја поседувале предвидената сума на пари, како и потребените документи за тоа каде треба да престојуваат.