Организацијата за безбедност и соработка во Европа (ОБСЕ) соопшти дека ќе испрати неколку стотици набљудувачи на парламентарните избори во Албанија, што ќе се оддржат во јуни, пренесоа американските медиуми.
ОБСЕ стравува дека долготрајните конфликти меѓу политичките партии во Албанија може негативно да влијаат врз изборите, закажани за 23 јуни, се наведува во изваштај на организацијата.
На претходните избори во Албанија имаше појави на насилство, како и прекршувања и случаи на заплашување.
Во мисијата на ОБСЕ за изборите во оваа балканска земја ќе бидат вклучени 30 долгорочни и 400 краткорочни набљудувачи, информираат американските медиуми.