Судири меѓу демонстранти кои протестираат заради трагичниот ицидент во рудникот крај градот Сома и полицијата, беа регистрирани во Истанбул и Анкара, јавија турски медиуми.
Полицијата употреби солзавец, водени топови и гумени куршуми за да ги растера демонстрантите кои синоќа се собраа на истанбулскиот плоштад Истиклјал. Приведени се 34 демонстранти, соопшти полицијата.
Протестот беше организиран од движењето Солидарност за Таксим – група која почна еко-протести против сечењето во истанбулскио парк Гези во крајот на мај лани и кои преминаа во антивладини демонстрации во целата држава.
Десет луѓе беа приведени синоќа и при протести заради трагедијата во Сома и во Анкара. Во трагичниот инцидент во рудникот крај Сома, во западна Турција загинаа 301 работник.