12-годишно девојче во Ниш било грабнато, но нејзините родители многу брзо успеале да ја вратат во нивниот дом, пишуваат српските медиуми.
Станува збор за девојче која живее во странство и коe со родителите дошлo во Ниш на летниот одмор.
Според српските медиуми, девојчето било измамено да дојде во куќа на момче кое сакало да се ожени со малолетничката. Момчето имало помош од негови роднини.
Но, откако нејзините родители дознале за настанот тие го вратиле девојчето дома.
Полицијата во Ниш потврди дека работи на расветлување на сите околности по пријава дека 12-годишно девојче стапило во брачна заедница.
– Работиме на прибирање на сите потребни и релевантни информации за тој случај – соопштија од полицијата.
Според статистичките податоци од 2022 година, 143 деца влегле во брачна заедница на 16 и 17 години, додека 60 деца биле на возраст до 15 години, што е за 17 отсто повеќе евидентирани бракови на млади до 18 години во споредба со 2020 и 2021 година.